شوية امثال كدا

¤نضع بين ايديكم شويةامثال كدا لكن ما اعتقد محتاجه لي شرح نسبة لانه اعضاء المنتدي كباااااااار !!!
-الفي بطنو حرقص براه برقص - اثنين لو قالو ليك راسك مافي اهبشو - سيد الرايحه بفتش خشم البقره - الما دارك ما لامك - جارك القريب ولا ود امك البعيد - الما شاف البحر تخلعو الترعه - المال تلتو ولا كتلتو - الجمل مابشوف عوجة رقبتو - القلم ما بزيل بلم - شر البليه مايضحك - درب السلامه للحول قريب - الطشاش في بلد العمي شوف - بليلة مباشر ولا ضبيحة مكاشر - الضايق عضة الدبيب بخاف من جر الحبل - الجمره بتحرق الواطيها - العندو ضهر ما بنجلد علي بطنو - البباري الجداد بودي الكوشه - الواضح ما فاضح - البحر بشيل عوامو - خربانه من كباره - الحوت بهددو بالغرق ؟؟؟ - الدين لو درهمين بسود الخدين - الجاياك ما بتختاك - الحساب ولد - الجاتك في مالك سامحتك - البرقص ما بغطي دقنو - ارجي سفيه ما ترجي عاطل - راحت شمار في مرقه - بندق في بحر - الكلب ينبح والجمل ماشي -الاختشو ماتو - المابلقى شبهو المولى قبحو - البعد ولا البلاد ام سعد - الخلاء ولا الرفيق الفسل - الما بتلحقو جدعو - الصقر ان وقع كترت البتابت عيب - دار ابوك كان خربت شيل ليك فيها شليه - الساعدو في قبر ابو دس المحافير - التسوي تلقى - التور إن وقع بكترن سكاكينو - اخوك كان بقى عسل ما تكملو - جراده في كف ولا الف طائر - البيتو من قزاز ما بجدع بالحجاره -الكلب بريد خانقو - الكحه ولا صمت الخشم - كراع البقر جيابه - ود الفار حفار - إن غلبك سدها وسع قدها - تابها مملحه تكوسه قروض - ركاب سرجين وقيع .

شكر اً أنس شكراً الرشيد على هذه الحصيلة الممتازة لكن ياأنس أخرمثل له شق ثاني أو لم يكتمل ركاب سرجين وقيع ومساك دربين ضهيب . وال شنو، اما ياأخي الرشيد الأمثال الألمانية فيها كثير الرومانسية الواقعية ومن الممكن يسفيد منها الإنسان الشرقي ...........