هاك كاس افريقيا دا

بي مؤامره سودانيه مصريه و رعايه كميرونيه تم استبعاد فريق مازنبي الكنقولي صاحب الخمسات الشهيره

اخي انس تحيه طيبه لك وبدون مؤامره سودانيه مصريه كمرونيه وبدون تفاخر كل الفرق في دوري الثمانيه مرعوبه من اسد افريقيا (الهلال السوداني).

لك التحية أخي أنس الجماعة محظوظين وكلهم كانوا يخشون مازنبي المعروف عالمياً نرجوا تكون فرصتهم لتحيق بطوله خارجية وبقول لأخي أمين سمعنا بأسد الجيال الأبن الأخذ ست من الزعيم لكن ما سمعنا بأسد أفريقيا ههههههههههههه مع تحياتي

ااخي عصام تحيه لك ذي ما قلت ليك الهلال لا يهاب اي فريق وكنا نتمي مشاركه مازيمبي واليك هذه الابيات للشاعر الهلالي عبد العظيم عبد القادر :
علي خروج مازيمبي والله زعلانين
وللقاء الكبار نحن ابدا ما خايفين
كل الفرق من الهلال تمشي وين
الدود النترما بهاب المرفعين
سيد البلد عجيب حبيب الملايين
حصان اسود يسعد كل عشاقه-المحبين
ويقول الشاعر احمد مهدي العبوداب :
عاجبني الهلال فج السحاب واتجلي
عاجبني الهلالفي القمه ما بدلي
الهلالافريقي سطر اسمه وهلا
والهلال سوداني منو ما بنتخلي
الحارس الامين ود القبيله معز
هيثم اصيل قائد الفريق ود عز
مهند يهدف من بعيدويهز
وديوف جسور فارس نحاسا يرز

ولله عز يا هلال سوداني كل الشعراء يتغزلوا فيك ما اروعك يا هلال يا رافع اسم السودان عاليا ما هذا يا هلال .
زنقه زنقه بيت بيت
انا غير الهلال ما حبيت

يا هلال يا خطير جعلت كل القنوات الفضائيه تبدا باسم الهلال السوداني يشعل ثورة اخري في تونس الهلال السوداني يتفوق علي هذا الهلال السوداني يتفوق علي ذاك ما هذا يا هلال يا سوداني.

واليكم اخبار اليوم :
عقوبات الكاف تطيح بمازيبي ومباره فاصله بين الوداد وسيمبا لتحديد البديل .
االهلال يصارع فهود الشمال ويراقب قرعة مجموعات الابطال .
الهلال علي راس مجموعه والغاء المستويين الثالث والرابع.
المريخ يكمل استعدادهللخرطوم مساء اليوم.
الهلال يفجر قنبله التسجيلات ويضم نجم الاهلي محمد جياد.
الهلال علي راس مجموعه .
يا ربي دي اهلنا المريخاب يقولوا فيها شنو .
االمريخ يستعد للخرطوم بالثلج والبدري يركز علي التهديف والعكسيات وطمبل يعود للتالق بهدفين.
شهدت ساحات التنافس امس مفاجاتين في بطوله الدوري السوداني في اسبوعه العاشر حيث انزلت المورده هزيمه قاسيه وثقيله علي فريق النيل الحصاحيصا برباعيه مقابل هدف باستاد الحصاحيصا .وبهذا يرتفعفريق المورده برصيد 15 نقطه فيا بقي النيل في نقاطه ال12 .
وفي مباراه اخري استضافها ملعب استاد الخرطوم سيطر التعادل الايجابي بهدف لكل علي لقاء النسور وجزيره الفيل .
وبمدينة بورتسودان فاجا الاهلي الخرطومي مستضيفه هلال الساحل بهدف قاتل في الدقيقه 20 من الشوط الثاني.

التحيه لكم اخوتي انس امين وعصام ٠
انت ياعصام ماسمعت باسد افريقيا وسمعت بأسد الجبال لكن انا احسن منك لأني بعرف ٣اسود بينما انت
سمعت باسد١
الاسود السمعت بيها انا اسد الجبال اسد افريقيا واسد حلاوه مولد٠
الاسود كتاااار ياأخوانا

سلام اخى وعديلى واخوانه الحمر اعرف ان الصدمه عليكم كبيره وصايبكم الدوار وكنا نتمناكم يا طيش المجموعات وانا عارف سبب وقوفكم مع مازمبى لانو بتاع رشاوى زيكم ويا زكى المولد دا بالذات لنا معاه ذكريات طيبه من زمن جكسا ولى هسه ويا ريت تحدث الوليدات الصفار ديل عن لقاءات القمه فى المولد لانك من المخضرمبن يا جماعه ساعدونا بالسكوت والفرجه حتى العام القادم لو ربنا احيان لانكم حا تمثلوا تبعا للهلال العظيم الذى ياكل بيده والما بياكل بى ايدو ما بيشبع ويا اخ عصام اكيد سمعك حيكون فى حدود مجالك الفلكى الحالى الدورى الممتاز الحصرى واسمعها منى ما تفرح المشوار طويل والخيل الحره كالعاده بتجى فى اللفه والهلال لها ان شاء الله واكيد حا تسمع بهزيمة هلال كادقلى والمقرن لان هذا كل طموحكم والقادم احلى فى الهلال ان شاء الله 0 اللهم اغرس فينا روح الوطنيه وزيل عنا العصبيه وحوالينا ما علينا 0

شكرا أمين مرخابي لكن القصيده عجبنتي لأني من هوات الشعر ههههههههههههههههههههههههههههههههههه
بصراحه الحين بأت تطلع من أشياء جميلة يلا أسر ي المنتدىبالأخبار ونحنا خلينا لتعليق والردود.....وبقول للباس منهدس الأخ نورالدائم البي يحيا يسمع وشوف

التحيه للاخوه الاعزاء امين ، عصام ، ذكي والصديق الجميل اوالعديل { كما يحلو له } ابوخواطر
‏ الاخ امين فرحان من حكاية راس المجموعه ناسيا ان هذا التصنيف عدل بعد اقصاء مازنبي ومتناسيا ان زعيم الكره السودانيه صنف مستوى اول علي راس المجموعه التي تضم الهلال نفسه عام 2008
‏ اما الاخ ابو خواطر الرجوع للتاريخ فيه خساره بالنسبه إليك اذا كان علي المستوي الداخلي وارقام الزعيم القياسيه او علي مستوى هزائم الهلال ماركة {5~6}السنويه [الحوليه] منذ العام 99 الي يومنا هذا باستثناء عام 2007 بل من مضعفات الخمسه إذا حسبننا نتائج البطوله العربيه ايضا والآن بحوزتي قائمه كمستند بها تواريخ نتائج هذه المباريات

التحيه لكم جميعا وافرد منها مساحه عظمي للاخ ابوخواطر المولد عظيم ومن مشاهد ايام المولد الكروي اذكر كمين ابراهيم راكوبه وبالمناسبه الحمدلله ربنا جمع بنوبة الوالد اطال الله عمره٠القصه معروفه لكل الأهل بعمارة الحاج عبدالله )حلة دفع الله(ياريت تحكي مناسبتها٠

الأخوه المريخاب في تلك الليله احتفلنا بالنوبه الخاصه بعمنا محمدالبشير والد ابو خواطر وكان ليلتها المريخ سحق الهليل بثلاثيه دحدوح سكسك باكمبا وضربنا النوبه وعضب الهلالاب ونصبوا كمينا بمقابر حلة دفع الله بقيادة عتاولة حلة دفع الله وصربونا بالسياط ضربا مبرحا وما غريبه سلوك هلالاب٠وبالمناسبه يوجد بظهري اثار سياط جعلتني اكره الهلال بقدر حبي للزعيم٠

هلالاب مريخاب احبكم واحييكم واحييكم 00 ولكن ابدا بالاخ الصديق الاكثر جمالا والعديل والزين بالنسبة لى تصنيفكم على راس المجموعة (المجامله) فضحتوا من جاملكم والدليل ترتيبكم طيشا للمجموعه والمغادرة
واخذتوا فيها ثلاثية مؤرخة لاتُنسَى اما حكاية الخمسات دى كان للفريقين حظهما من الفضائح وانا فى ليبيا شاهدت بام عينى بعد ان فرحكم سكسك بالهدف الاول وبعدها انهار الجدار وكانت خماسية علم واظن حبنى ما زال يلهث من المشوار الاخذه وبالنسبة للعربية ياريت تذكر وبكل امانه نتائج الفريقين عربيا وما اظن تنكر انك اعلى الارقام بالنسبة للفريقن اخذتها سباعية الاردن القريبة ومشهوده ام اخونا وحبيبنا الاستاذ عصام بقول ليه ان شاء الله نحيا ونشوف .اما الحبيب الحبيب زكى داير اصحح ليك المعلومه انو معركة ذات السياط ما كانت بمناسبة فوز المريخ على الهلال بل كانت بمناسبة فوز المريخ بكاس مانديلا وكان شلتوا النوبه ومشيتوا تحتفلوا مع اخوانكم فى الحاج عبدالله وعند رجوعكم انت عارف الباقى واوكد ليك لنو ما حصل غلبتوا الهللال ثلاثة من زمن عمار ودحدوح كانت 2 صفر احرزهما دحدوح اما سكسك وباكمبا ديل ما احرزوا فى الهلال فى هدف واحد وانا داخل فى استادكم احزوه باكمبا بعد انتقاله للهلال 0 بالطرشاء ورقص من باص حضرة الشهير عشان كده يا زيكو استوثق من المعلومه وتعيش وتاخذ غيرهن

التحيه للروح الجميله التي يتمتع بها ابو خواطر
‏ لكن ياعزيزي هناك فرق شاسع مابين خماسيه يرجع تاريخها لي زمن انت في ليبيا ومن الاهلي كمان وبي تيم ناقص بعد اقصاء زيكو بعدما كنت متقدم علي الاهلي وبين (5~6)سنويه ولا اقول ليك حوليه
اما بخصوص مباراة الوحدات دي كانت لظروف طبيعيه الكل يعلم بملابساتها

التحيه للعديل ولكل من هوله-عزيزى اتمنى ان تتصف بالحياديه ما يجرك لونك انت بتقول 0 يرجع تاريخها ) يعنى كلمة تاريخ دى كافية اذا طرد لاعب ما عذر ده برجع لثقافة اللاعب وال 5 وال 6 السته تبع الهلال كانها حصلت هذا الموسم - اما حكاية الحولية دى فعلا بقت حوليه لكن حولية حبيبك خمس سنوات ما شاء الله دخول فى المجموعات اهى دى الحولية اما بخصوص الوحدات - الهلال امام انمبا ما كان ليهو ظروف؟ لكن برضو ما حصل ال 7777777 ودى انا قلت ليك قبل كده مرحله كانت عامه على الكل ونحنا فى التاريخ الحاضر وختاما يا ريت تتابع لينا التصنيف وخليك مع قناة قون الجميلة الى حين الحوليه السنه الجايه ان كان فى العمر بقيه ختاما تحياتى لك ولكل من هو لك .مع فائق ودى وتقديرى 0

التحيه لكم جميعا أخوتي هلالاب ومريخاب أنس وأمين نور الدئم وعصام عليك الله يادكي حامد أكتب لينا كلمتين عن كيف كنا نعرف نتائج مباريات دوري الدرجة الأولي أيام بري وودنوباوي والأهلي والعباسية والنيل والزهرة والتحرير والموردة أيام مدرسة الشيخ السماني لمن عصام ود أبامنه يكتب بالخط العريض في الصحراء الهلال يهزم كدا بكم كدا وأكتب لينا عن مباريات هلال مريخ في أبوريش لمن الجماعة مايتمو الفريق 11لاعب ونقوم نسلفن من الإحتياطي بتاعنا طبعا أبوريش كلها هلالاب والجماعة ديل زاتم هلالاب بس زعلانين أخي عصام بانقا المريخابي القح تحياتي ليك بالله إنت بعد كل االمرمطه الحصلت للجماعة ديل ما خليتن برافو عليك والله مريخابي أصيل أخشى أن يلم فينا عبد المنعم ودأحمد ودإبراهيم شلاليت لأنه بكره ثلاثه حاجات شنو كدا ماعارف وملاح العدس والهلال

التحية مصوله لجميع مريخاب وهلالاب والتحيه خاصه للأخ صديق رجغتنا للمتوسطة وعالم الريضة كنا عندها نأتي هروله لكي نستمع ومنا من يحمل معه راديو صغير حتى لا يفوته الخبر طازه إما بخصوص
مباريات أبوريش نعم كنت أغلبيه لكن كنا في معظم المباريات نقلبكم أو تعادل لأننا كنا نمتلك خيرت الحراس والمدافعين والجناح اللفت (.........) كان زمان الأغلبيه أعمل إحصائية اليوم وشوف منوا الأكثرية في أبوريش أما الجماهير قاطبه كم طابق أستاذ المريخ وكم يسع عندها تكون عرفت أنا الي الأن ليه متمسك علي المبادى
مع الصفوه لأنوا كان أي شخص يشجع الهلال من غيردرايه بالرياض فتغير الحال الأن والإعلام وإنقلبت الموازين ، ....عبد المنعم هو الذي كنت استمد منه المعلومات عن المريخ. وجعلني أحب المريخ ............. لك شوق.....................والداير يعرف الفرفق بين الهلال والمريخ اليقارن بين إداراة النادي من ذمان والي الأن )

اولا التحيه للهلاريخييين وانا مبسوط جدا لان حرارة المنتدى الرياضى حركت اخانا الباشا صديق عباللطيف لك التحيه وطولنا من اخبارك احوالك واولادك وذكرتنى مدرسة الشيخ السمانى وكان لعبنا ضدهم مباراة وكان حارسنا ابراهيم راكوبه ووقتها اصيب راكوبه عن طريق المساعد الطبى عبدالرحمن والذى قام باسعافه لقلعه اربعة اسنان متجاورة ولكن ربك لطف وكلنت النتيجه 2 صفرلنا هدف لى وهدف لكابتن حميدو وله منى التحيه وفعلا ايام وتوادد وتلاقى بروح رياضيه طيبه .
اما اخونا وصدينا الصارخ الُحمره عصام بانقا وبعد تحيته قولك انو الناس بيشجعوا الهلال من غير درايه بالرياضه ده كلام مردود عليك لانى لعبت كثيرا فى ابى ريش ولم ارك فى الميدان وعن نفسى كهلالى لعبت مع وضد ابى ريش ولعبت دوريات بالحاج عبدالله كهاوى ومحترف ولعبت فى منتخب المساحه فى دورى الاقسام واكون ما عندى درايه بالرياضه كيف . اما عن الادارت ده كلام غريب كفايه الطيب عبدالله كمثال ومن تفاخر بهم منهم ابو العائله وجمالك المبسوط بيه مؤقتا ان شاء الله معروفين بهلاليتهم فلك التحيه ويا ريت تكتب عن مريخك من دون مساس الغير وختاما اقول ليك كل انسان بيعجبو فريقه

الأخ ابو خواطر ارجع لمن هو ادري منك لعلمك كانت المباراة هلال مريخ وكانت ٣/١
وهدف الهلال احرزه ادريس الجريف في مرماه والظاهر في كاس مانديلا كان فيها ايضا سياط زغم اني ماحاضر تلك المباراه
شكرا علي المعلومه ٠اما المباراة التي ذكرتها هلال مريخ وحينها كنت شغال في مسجد قريتكم العامره شوف مسجدكم سنة كم وكاس مانديلا سنةكم٠
‏ ‏

الأخ نور الدائم شتانا بين مهد الفكي وشاخور وأبوالعائلة والضوء حجوج والوزير (خالد حسن عباس ) والقائمهة تطول الي جمال الوالي وبين الطيب عبدالله وإلي علي أحمد (........) بلإضافه للمطلوب من المطار طبعاً معروف لديك اما بخصوص تشوفني في الميدان أسأل الهلالاب والنتائج كنت بلعب في زمني في فريق أبوريش وكنت كابتن مدرسة الشيخ السماني حملت كأ ساتها لأبوريشوأذكر في مباراة مشهورة كان لكي نأخذ الكأس لابده أن نتصر بفارق ست أهداف نظيفه والله علي ذلك شهيد أستاذ أسمه أذهريمن أبنا مدني معلم لغة إنجليز وكان دايماً مايسأل عني بعد أن إنتقلت لسنار والي عهد قريب أين وصلت في الكورة... ناداني خارج الفصل لكي تطلع المبارة درون ويأخذو الكأس فريقه دقنة الذي يتكون من أولي وثانية وأنا بكل صدق وأمانة رفضت وقلت لإستاذى الميدان هو الفاصل كم تخيل طلعت المبارة طلعت تسع أهداف أحرزت أنا سبع أهداف من ضمنهم واحد ضربت جزاء وفضل علي الفضل أثنين يذكرذلك وأخرون ولعبت في مدرسة سنارفي دوريتها وأنضممت لأشبال الأهلي سنار موسم ولظروف التجارة لم استطع المواصله وعند ذهبت الكلية شاركت في منتخبها الكلية أما رؤياك يعزى إما الفترة التى لعبت فيهاأنت أولعدم تواجدي في القرية لأني معظم حياتي منذ المتوسط مكثتها في سنار المدينة ولكن أسال وتجد الإجاب من عبد الحميد وأزهري من الجناح اللفت بدون منازع إن كنت موجود !!!! تلعب وتشجع تفرق كثيركثير ... كنت أذهب الي أستاذ الهلال ولم أجد إلا السمكرجية والمكنيكية قرب أستاذ الهلال وأحياناً يدعني حب الرياضة والإستطلاع الدخوللمشاهدت التمرين وذلك لقرب الصناعية منه وأنا طالب في الكلية .. أسأل عن الرياضية نسيبك السابق وعديلك الحالي حتعرف من يشجع المريخ ولماذا وهل لديهم معلومة عن الرياضة عندها ستجد الإجابه لعبنا في حاج عبدالله تعادلنا وإنتصرنا من كان الجناح ومع الشيخ السماني وجادين ومعكم في مباراة وعلي ماأذكر المرحوم السماني وإبراهيم وأنت من ضمنه وكانت في مناسبة في الحلة عند أهلك الكتتاب وجميعها كانت إنتصارات لنا ؟؟؟؟؟؟؟؟؟؟ لك العتبى إن رأيت كلامى كان يخص كافت مشجعي الهلال لكن الأغلبية وأنا أظن وأكد إنك أنت من الأقليلة التي تشجع بدراية وهذا لايعني أن جمهورالهلال الذي يشجع كله صفوه شكراً للمنتدى الذي أتاح لنا الحواروشكرلك شخص يتحلى بالروح الرياضية........إن إنهزم المريخ فلكل جواد كبوه إلي لغاء .........................مع تحياتي

تحية طيبة لك الجناح الطائر عصام وانا احمد لله على ما سطرت حتى استخرج منك كل هذه المعلومات الثرة اما بخصوص المباراة التى لعبتها ضدكم كانت فى زواج احمد عبدالرحمن وكانت تعادل 3/3 وكنا متقدمين عليكم ولكن العارضات تبعكم كانت من الشبع واحدة طويله وواحده قصيرة من ضمن اهدافكم هدف قطعه الحكم من راس لعدم توازن العارضات وتساويها فى الطول حتى اسال الليبرو يتاعكم لحظتها خالد على فى اخر دقيقه للمباراةلعبت كرة من السنتر للجناح الايمن وانخط حتى الكونر ورعكس كوره بالمقاس وحارسكم خارج الخشبات استقبلتها بمضايقه من خال وضربتها فى فى المرمى الخالى ومشت مقوسه على الزاويه البعيد وخرجت اوت بسنتمرات وبعدها اعلن الحكم النهاية وتنفس الجميع الصَُعداء وقالوا لو دخلت هذه الكرة لما حضروا الحفل بالله اسال خالد على لو بيتذكرها ومن هنا احيه واسرته الكريمه وبرضو مشكور لانك اعدت لى ذكريات طيبه وجميله ونواصل