مساحه حره للنكات

مساطييييييييييييييييييييييييييييييييييييييييييييييييييييييييييييييييييييييييييييييييييل
مسطول قال لصاحبه في حاجة محيراني شديد صاحبه قال ليهو شنو؟
قال حمار الوحش أبيض ومخطط بالاسود ولا اسود مخطط بالابيض

مسطول شايل لوح تلج قال نفسي أعرفه بنقط من وين

واحد سال مسطول من اهل العوض
قل لية:لية الحمار بيسبق الحصان في القرية؟
المسطول قالة لانة في ارضة وبين جمهورة

مسطول نايم مرتو صحتو قالت ليهو قوم الشمس طلعت قال ليها عليك الله دخليها واقفلي الباب

ابكر :حفصة اول ما تسمعي بيييييييييييييييييب تجي طالعه طوالي .
حفصة : يا الله ابكورتي اشتريت عربية.
ابكر : لاى اشتريت سفااااااااااااااااااااااااااااااااااااارة (صفارة)

في 2 مسطولين واحد مصري وواحد سوداني السوداني قال لي المصري والله الدنيا دي فيها ماسي المصري قاليهو ماس كم

ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق.

في واحـد مسطـول راكب في الكنبه الخلفيـــه قال للسـواق..

ياابن العـم شيل دركسونك وتعال معانا بي ورا

مسطول سألوهو ما هو اصعب موقف واجهته في حيـاتك ؟

قال : موقف الــــحاج يوسف.

مسطول ولدو الصغير عيان وداهو الدكتور

بعد الكشف والفحوصات الدكتور قال ليهو:

الولد ده بيســنن.

المسطول رد: انا زاتي قلت كده

مسطول مشوكش سالوه عن اجمل بيت شعر؟؟

قال: كلما نربي كتكوت........يكبر ويفوت

مسطول بيعمل تجربه فى ضبانه مسكا وقال ليها طيرى طارت.

قطع ليها جناحينا قال ليها طيرى ما طارت

كتب: واثبتت التجارب ان الذبابه لمن تقطع جناحيها تفقد السمع

مسطول شديد مشى سلاح ا لمظلات..

قال ليهم داير أعمل مظلة للمرحوم الوالد و كده

*مسطول وزنه زاد ..

مشى للدكتور .. الدكتور نصحه يمشي كل يوم 3 كيلو ..

بعد إسبوع ضرب للدكتور قاليهو أنا في الحصاحيصا أواصل ولا أرجع

· مسطول دخل المستشفى

سألوه: زيارة؟

رد: لا عمره.

مسطول مشى يخطب اهل العروس

جابو ليهو شاي لبتون

قام رفع الخيط من الكباية وقال:

أهاااا من هسي بدينا في الكواديك.

كلب جاتو نفسيات لانو اكتشف انه بينبح على حرامي اطرش.

نكات جميلة وهاك دي
واحد عنده صفارة بيمشي الغابة بعزف للاسود بتهدأ وترقد في الأرض يوم مشى الغابة وصادف اسد ماشي عليه وقعد يعزف ليه في قرود كانت بتكورك فيه قام الاسد ضرب زولنا جدعوا بعيد القرد قال لاخوه انا ما قلت ليك الأطرش دا بيودرو

ابداع ياشباب كدى نطلع ليكم واحده من طرف الجيب -----الخال شيخ الامين ربنا يتولاه بالرحمه كان حاضر النكته وحصلت معه نكته لم يكن يقصدها - راكب مواصلات الشنقيطى وأخر محطه اسمها صابرين والحافله اخذت زمن ما امتلات جاتو واحده من الشباك قالت ليهو صابرين ؟ قال ليها نان نسوِّى شنو
مرة كنت انا والخال فى جلسة طيبة بافطار جماعى وكان ضمن الحضور شبرا الغلباوى فتوجه اليه الخال وبعد تحيته قال ليهو بالله ادينا نكته صاحبك فتَّش جيوبه كده قال ليهو والله ما عندى

مسطول دقنو كبيره دخل الجامع صلي مع الجماعه .بعد نهاية الصلاه واحدمسبوق شاف الدقن كبيره سأله يامولانا فاتتني ركعه اعمل شنو ؟ رد عليه المسطول:في زول شافك ؟اجابه السائل لا
فاجابه المسطول اعمل نائم.

الصيف الفات فى السودان ولعت نار والناس شكت من الحرارة مسطول قال ليهم فى الكورة شابكننا سودانا فوق سودانا فوق لمن قربتونا من الشمس 0

مسطول شاف لافته مكتوب عليها مزرعة أبقار ، قام سأل راعي المزرعة بإستعباط ، كيف تزرعون البقر ? فأجاب الراعي : نرش سكر يطلع بقر ، فمشي المسطول أول يوم جاب سكر ورشاهو ، ورجع ثاني يوم ووجد النمل مجتمعين في السكر ، وقال ياحليلهم البقر وهم صغار !!

مسطول مشي المطعم ، طلب بيض بالطوه وفول بالجبنه ، جابو ليهو الفول وفيهو جبنه ، والبيض في صحن ، إتحير قال : عرفنا ده البيض ، الطوه وينا .
طبعآ علي حسب سطلتو قايل زي مابيأكلو بالفول بالجبنه ، برضو بيأكلو البيض بالطوه .

مسطول مار بطريق ، وفي إثناء سيره بالطريق وجد زير سبيل ملفوف بخيشه مرشوشه بماء ، فقام ضم الزير علي بطنو بأيدي الأثنين ، وقال ليهو ويييييين يامرطب .

زيدان إبراهيم مشي لست عرقي ، قال ليها أديني عرقي ، قالت ليهو آخر نص شالو الأمين عبد الغفار ، قال ليها الأمين يشيل ويشيل ودو ، ويشيل النص كمان برضو ؟ قالت ليهو إنت ماشلت الجراح والإبتسامه ، وكل حرمان اليتامي ، قال ليها طيب أنا في الليله ديك أعمل شنو ? .