كيف أنساك ؟.؟.؟

آخر مرة أشوفك فيها .... وما عارف كيف أقدر أنساك
لو قادر ريدتك أخليها ... كان إتمنيت في الدنيا سواك
إخترت دروب تمشي عليها ....... وخليتني اقاسي وما هماك
ما كان من اول تمشيها ....... وتديني عُمر كملتو معاك


بتقول كلمات جات في بالك .. وتقولا كمان في اي زمان
لا عندك احساس بالالفة .... ولا عارف إيه معنى الحرمان
الظاهر انك متعود ....... تجرح وتقول انا ما غلطان
تقسى وتتدلل علي كيفك......... وفي الاخر تعمل زعلان


انا ما حبيتك بالصدفة ..ويا ريت لو كان في الريدة خيار
كان اتعلمت اكون قاسي ...... واخترت يكون بيناتنا جدار
لكن للاسف اتعودتك ........... واتعود قلبي عليك واحتار
خليك متذكر يا ناسي ............. حبك علمني اكون غدار