الليله الدوبيت افريقى

+
----من زكى حامد
-اولا احب ان احي صديقي نورالدائم والاخ امين وجميع الاخوان
في بلد الرجال تيم الملوك سواها@
ودموسي الخطير كرر شريط سكواها@
ولدك يا البرير ديونو ماحلاها@
اتلوم الارباب العشره ذاتها نساها@

وانا بقول ليكم
فى المجموعات هلالنا مواسمهُ ديمه خريف
وكالعاده النجيمه ديارها يابسه وصيف
رغم ديوننا ديك وعدمنا ما بنقيف
يا مدلول وصَحبهُ ساعدونا بالتصنيف

يانور بنساعدك بالتصنيف......
وفي الممتاز أقواننا مابتقيف.....
مهما حكامكم حكموا بالتزيف ..........
ولعبونا في وحل الخريف أو صيف............
لكن أظن الصفر الكبير مافي ليهو تصريف...........

وبما انه الهلال الفريق الوحيد الذي )سيلعب(
باسم السودان كما تلاعب به من قبل في كثير من بلدان القاره السمراء ٠
ببداقولي في تيم الصفر والبيش ٠
تيماماجابلو كأس من زمن قاقا ودحيش ٠
تيما في الكاف لاظهرت بصمتو ولافيشو٠
أتأهل الهلكان سترك ياربي من تلطيشو ٠
وفرحت الغلابه لمطر ظهر رشريشو ٠
وكضاب البقول ابسبعين ضايق عيشو
بطولة شنو البجيبا تيما قايدو ميشو؟

مشكور استاذ عصام على المرور لكن ،،،،،،
اقونات دى لو خليتها اقواننا ما كان احسن دى جمع تمريخ ولا شنو ؟
الممتاز دا ما معروف ماركه وكمان حصرى
ما تفرحوا بالنقيطات الزمن بدرى
ما الكيشه بقدموه بقولوا ليهُ اجرى
وفى الآخررحيل الحضرىوالبدرى

معليش خطاء مطبعي غير مقصود أنت تقصد حصري وال حضري ضع نقط في الصاد

عفوا يا استاذ اعرف انها سهوه ولكن قصدت كلمة جمع تمريخ

أنت عارف يا باش لوحت المفاتيح الظاهر فيها مشكله مرة جيت أ كتب هلا ل صغرته الي هليل لوتلاحظ كل الكتبات فيها تعديل في ركون في في المفاتيح أكتب حرف وأكتب البعده يتكرر الحرف نفسه

ياتو بصمه دى البصمه الشهيرة ؟
اخى زكى المعذور
بصمه اكثر من التواجد الدائم فى دورى المجموعات ؟
زد عليها بفضل بصمة الهلال الحقوك بدورى الابطال ودائما بتطلع طيش المجموعة اما السنه دى حدث ولاحرج
بصمه اكثر باجبار الكاف على اختيار اربعه فرق فى الابطال والكونفدراليه
لكن البقنع الديك شنو؟الاخطبوط ذاتو اقتنع0