اهلا بالرياشة

السلام عليكم جميعا فى منتدى الفخر والمحبه
كنت لما اكتب جواب لاهلى وانا فى الداخليه بقول ليهم سلمو لى على ناس ابريش من شجرة ود رحمه الله لحدى الحميراء ومن البلدات لحدى البحر,كنت اشتاق لهم فعلا ,,والان وانا باحدى دول الاسكندناف البارده احملهم دفئا وعشقا وهموما وحنين.
فرحتى بالمنتدى كمن وجد الماء بعد عطش فى الصحراء;شكرا لصانعيه بوركتم ومعا الى الامام .للمنتديات فى زمن العولمه هذا فعل السحر فى تحقيق الاهداف والطموحات وهذا معلوم للجميع ولكنى احب فيها انها تهذّب النفوس لانك عندما تكتب فى المنتدى تحشد كل ما هو جميل من شعورك وسلوكك متقبلا الاخرين بمحبه بعيدا عن تناقضات الواقع فينعكس ذلك على شخصية الواقع فيك وهذا مكسب احسبه رائع .
اتمنى ان لا تضعف الهمه فينا ونستمر بقوه والله الموفق. ..ودمتم..

اولاً ارحب ترحيباً حاراً بالأخوين عبدالصمد وحبيبه وأقول لهم حللتم اهلاً
في منتداكم العامر وسعدنا بإطلالتكما ومشاركتكما كـــثــييييييييييراً.................
وكل التحايا والاشواق مني لكم.
وانقل لكم كل تحايا اهل ابوريش عامة وأشواق اهل الفريق خاصة ******
ومزيداً من المشاركات التي من خلالها نتعرف على احوالكم في بلاد الغربه .

واسأل الله ان يرد غربتكم سالمين غانمين

يااااااااااااااااااااارب ؛؛؛؛؛؛؛؛؛؛؛؛؛؛؛؛؛؛

سلامات العزيزه اكرام والله مشتاقين ليكم كتير.....
ونهنيك على نشاطك الملحوظ ونتمنى ليك التوفيق
تحياتنا لكل الاسره

الاخ عبدالصمد والاخت حبيبة السلام عليكم ورحمة الله تعالي وبركاته انشاءلله تكونوا بخير وصحه جيده واخبار الغربه معاكم ومنورين المنتدي ونتمني المذيد من المشاركات .والشكر كل الشكر للخال عبدالرحمن الذي انشاء هذا المنتدي وجعله ملتقي لكل ابناء القريه داخل وخارج البلاد لكي يتناقشون في مصلحة القرية .
وكلمة الريايشه ذكرتني بايام الدراسه عند ما كنت بالمتوسطه ،كنا عند ما نجيء داخلين المدرسة كل اوالاد المدرسة يقولوا (اوه الرياشه وصلوا) لانهم كانوا يهابون اولاد ابوريش جدا جدا .

لك التحيه الاخ امين مامون
فعلا المنتدى جمع الناس ورجع لينا ذكريات جميله التحيه عبرك لكل الدفعه وما عايزين الهمه تفتر ولك التحيه والتقدير من عبدالصمد

التحية والسلام للأخت حبيبة والأخ عبد الصمد ورد الله غربتكم بالصحة والعافية

سلامات يا النور مشتاقين ليكم والله عساكم عافيه
تحياتنا للاولاد وامهم وياريت لو تسجل فى المنتدى لانه العنصر النسائى قليل والدعوه للجميع طبعا عشان المنتدى ما يكون عامل كده زى الديوان.