التصويت على التصميم الجديد(الرجاء مشاركة الجميع) ..

السلام عليكم ورحمة الله وبركاته

الله يجزيك كل خير عمنا عبد المنعم .. ونسأل الله إننا نكون عند حسن ظنكم ..

بالنسبه للمشاكل الذكرتها أنا شفت المنتدى بعد التغيير على جهازين الصوره الشخصيه عاديه جدا جدا والخط ما لاحظت إنو بتكبر بس حا أشوفو هسي في الرد ده ما حا أكبر الخط إذا طلع الخط كبير ممكن أعالجها إن شاء الله والصور المنقوله هاك دي واحده :



يعني مافي مشكله في نقل الصور بس صح الخط طلع كبير جدا لحدي ما أشوف المشكله وحلها ممكن تظلل النص وتختار الحجم الدايرو ..!!

و أنا بإذن الله بحاول أحل المشكله بأسرع وقت ..

السلام عليكم ورحمة الله وبركاته

شكرا كتيـــــــــــــــــــــــر عم كمال .. ^_^ .. نعم صح الغياب بسبب الدراسه وتقديم الجامعه والحمد لله هسي مؤجز وعندي تاني تقريبا أسبوعين وبحاول بقدر الأمكان أعمل المستطاع ..بالنسبه للمشكلات ذكرت مشكلتين .. بس ما قدرت أحدد المشكله بالتحديد ياريت لو توضح شويه مثلا ترتيب المواضيع قاصد بيو شنو لأنو في ثوابت ما ممكن تتغير مثلا الموضوع الجديد يكون في المقدمه والموضوع القديم إذا في حد كتب فيو رد ينزل في أو القائمه برضو ........
وبالنسبه لسعة الإطار برضو ما قدرت أحدد وين بالضبط لمن تجي تكتب موضوع ولا في المواضيع زاتا إذا قاصد داخل الموضوع والردود الظاهره في الموضوع المساحه ممكن تكون ضيقه شويه إذا بتستعمل متصفح فير فوكس أضغط بإستمرار على زر (ctrl) وأضغط على علامة ال (+) حجم الإطار حا يزيد .. و إذا قاصد لمن تجي تكتب موضوع إن شاء الله بحاول أزيد حجم الخط .. وإذا كان المشكله غير كده أرجو إنك توضح لي زياده ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ومرحب كتير بالعم زكي شرفت ونورت .. قلت مشكلة التصفح بالجوال .. عموما للبيستخدمو الجوال غالبا يكون المتصفح هو (Opera mini) ودي مشكله في المتصفح نفسو وما في منتدانا بس بل في كل أو معظم المنتديات متصفح الأوبرا بياخد جزء من الصفحه ما بتظهر بس طلع إصدار جديد v.12 للموبايلات المتوسطه والعاليه المشكله دي ما فيو ...
و إذا قصدت شي تاني ممكن توضح لي و أنا أشوف ليك الحل بإذن الله ....